INFORMACIÓN SOBRE O PROCESO DE MATRÍCULA

PRAZOS:

• Solicitude de reserva de praza para nenos/as xa matriculados, Do 1 ó 20 de marzo.
• Solicitude de reseva de praza para nenos/as non matriculados, Do 1 ó 30 de abril.
• Publicación da lista de admitidos, excluídos, vacantes ou lista de espera. A partir do 10 de maio (reclamacións nun prazo de 10 días).
• Publicación da lista definitiva de admitidos, excluídos, vacantes ou lista de espera. A partir do 31 de maio.
• Matrícula do 1 ó 15 de xuño.

DOCUMENTACIÓN A APORTAR:  *Nota: Presentárase na Escola Infantil en horario de 09:30 a 14:30 e preferentemente con cita previa chamando ó 982.124.407

Documentación reserva de praza, lista de agarda:

1. Solicitude de matrícula

2. Documentación acreditativa da situación familiar:
   • 1 fotocopia do libro de familia.
   • Fotocopia do D.N.I ou pasaporte do pai/nai ou titor/a legal.
   • Certificado de empadroamento da unidade familiar.
   • Documentación de incidencias tales como: separación, abandono do fogar, maltrato, etc.
   • No caso dalgunha enfermidade ou deficiencia alegada polos membros da unidade familiar, certificado expedido polo organismo correspondente ou outros documentos nos que consten incidencias familiares, económicas ou sociais susceptibles de puntuación.
   • Informes dos Servizos Sociais nos supostos de que sexa necesario por falta de acreditación documental ou pola situación especial na que viva a unidade familiar.

3. Documentación acreditativa da situación económica:

   • 1 copia da declaración da Renda ou, no seu defecto, certificado emitido pola delegación de Facenda acreditando os ingresos anuais.

   • En casos de nulidade matrimonial, separación e divorcio, considerarase a renda de quen exerza a patria potestade.

   • Tarxeta de desempregado/a.

Documentación para matrícula:

• Fotocopia da tarxeta da Seguridade Social.
• Certificado médico do/a neno/a.
• Carné de vacinación actualizado.
• 2 fotos.
• Número da conta bancaria en caso de pagar taxa de asistencia. Cubrir impreso de domiciliación bancaria na escola.

A Escola Infantil Municipal de Barreiros, “O Bítere”, acolle o primeiro ciclo de Educación Infantil (0-3 anos) e ten dúas funcións.

Unha función educativa, proporcionando ós seus usuarios unha atención individualizada a través dun programa global que favorece o pleno desenvolvemento físico, intelectual, afectivo e social dos/as nenos/as. E unha función social coa fin de facilitar a conciliación da vida familiar e laboral.

Na actualidade conta con 43 prazas divididas en 3 unidades.

A Escola Infantil presta os seus servizos os doce meses do ano, de luns a venres en horario de 8:00 horas da mañá a 17:00 horas da tarde, agás no mes de agosto, no que a escola presta os seus servizos de 9:00 horas da mañá a 16:30 horas da tarde.

Localización da Escola Infantil Municipal de Barreiros: