A Protección Civil é un servizo público que ten como obxectivo previr situacións de risco colectivo e protexer ás persoas e bens cando ditas situacións se producen, traballando sempre no marco da prevención, a planificación, a coordinación e a cooperación.

Así mesmo, co obxecto de responder coa maior eficacia ás crecentes demandas de seguridade que emite a sociedade, o servizo de Protección Civil de Barreiros, fundado en 1999, conta cun número indefinido de voluntarios.

Equipamento:

O corpo de Protección Civil de Barreiros dispón dunha serie de dispositivos que facilitan e fan máis eficiente a súa labor fronte ás emerxencias, entre os que se atopan:

• Un vehículo todo terreo.
• Un camión de bombeiros.
• Unha ambulancia de primeiros auxilios.
• Tres zodiac de salvamento marítimo.