Que é Aula Mentor?

Aula Mentor é un programa de formación aberto e flexible a través de internet dirixido a persoas maiores de 18 anos que queiran ampliar as súas competencias persoais e/ou profesionais.

A iniciativa está promovida por o Ministerio de Educación e Formación Profesional en colaboración co Concello de Barreiros.

Que cursos ofrece Aula Mentor?

Mentor conta con máis de 200 cursos de moi variadas temáticas.

Na seguinte ligazón podes consultar toda a oferta formativa: cursos Aula Mentor.

Debo acudir a un Aula Mentor para realizar o meu curso?

Os cursos son en liña e pódense realizar desde calquera lugar cun computador e conexión a internet, ou acudindo a Aula onde terás a túa disposición un equipo conectado a internet e o asesoramento e axuda do administrador da aula.

Canto duran os cursos?

Serás ti quen determine a duración do curso en función do teu ritmo de aprendizaxe e tempo dispoñible.

Canto custan os cursos?

Como norma xeral os cursos custan 48€.

O tempo estimado para a súa realización é de 2 meses, pero se necesitas máis tempo, podes realizar ampliacións de 30 días máis, pagando 24€.

Que inclúe o abono da matrícula?

A matrícula en calquera curso Mentor dáche acceso a:

• Recursos formativos e material didáctico en liña coa posibilidade de descargalo.
• Á presentación a dúas convocatorias de exame.
• Tutorización personalizada.
• Os cursos NON inclúen o software comercial.

Cando podo matricularme nun curso Mentor?

A matrícula pódese realizar durante todo o ano, excepto no mes de agosto.

Que obteño ao finalizar o curso?

Unha vez finalizada a acción formativa e superada as probas de avaliación e un exame presencial, que se realiza no noso centro, recibirás un certificado de aproveitamento expedido polo Ministerio de Educación e Formación Profesional.

Calendario de exames 2024

INSTRUCIÓNS PARA A MATRICULACIÓN NOS CURSOS DE AULA MENTOR

1. Escolle o teu curso, en: Cursos Aula Mentor.
2. Cumprimenta o formulario de matrícula que se atopa dispoñible en: Matrícula cursos Aula Mentor Barreiros.
3. Realiza o pago das taxas no número de conta IBAN: ES55 2080 0142 9031 1000 0019
   • Nota aclaratoria para cumprimentar o pago da matrícula: No apartado Concepto debe aparecer:
     • Se é a primeira vez que te matriculas neste curso: Matricula + nome curso + Nome alumno/a.
     • Se necesitas ampliar 1 mes máis a matricula: Renovación + nome curso + Nome alumno/a.
4. Entrega o formulario de matrícula + xustificante do pago das taxas na aula Mentor os martes ou xoves en horario de 9.30 a 14.30 horas. Tamén podes  enviar o formulario + xustificante do pago ao mail: barreiros@aulamentor.es
5. Unha vez recibido e comprobado o pago procederemos a matricularte/renovarte no curso seleccionado e enviarémosche as claves de acceso ao curso.

Nota importante:

O comprobante do banco e a solicitude deberán indicar, de maneira clara, o nome e DNI  da persoa que realiza o curso  e  o nome do curso ao que se inscribe.

Os comprobantes que non dispoñan desta información non se terán en conta para a matrícula do curso.

Non esquezas marcar se se trata de matrícula nova ou renovación.

O procedemento para efectuar a renovación é o mesmo que o da matrícula.

Para máis información: Web Aula Mentor.

Documentación:

Deberes e dereitos do alumnado

Manual do alumnado

Formulario de Matrícula - Aula Mentor Barreiros