INICIAR en Google Maps

Percorrido turístico-cultural para facer a pé, en bicicleta ou en vehículo a motor (opción menos recomendada) pola contorna da parroquia de San Cosme. 

Compleméntase con descricións audioguiadas do patrimonio e relatos sobre a nosa historia. 
Durante este percorrido desvelaremos o vínculo entre o patrimonio etnográfico máis propio de Galicia e o posterior legado daqueles que emprenderon a aventura de facer as Américas. 

Desexamos que o goce!

INFORMACIÓN DE UTILIDADE:

Distancia: 9.5Km (circular). Trazado compartido con vehículos en circulación.

Terreo: 100% asfalto.

Dificultade: Moderada

Sinalización física: non existe

Época ideal: outono, inverno e primavera. Nota: no verán o tráfico intensifícase.

Tempo a pé: aprox. 3 horas (explicacións incluídas)

Tempo en bicicleta: aprox. 1 hora e media (explicacións incluídas). Debe levar un soporte para o móbil.

Tempo en coche: aprox. 1 hora e cuarto ou hora e media (explicacións incluídas). ATENCIÓN: ter en conta que esta é a opción menos cómoda xa que nalgúns puntos apenas hai espazo para estacionar. Primeiro estacione o vehículo nun lugar seguro sen invadir propiedades privadas e, a continuación desprácese a pé ata o recurso. Por favor, non interrompa o tráfico e sexa prudente ao subir e baixar do vehículo. Percorrido non recomendado para furgonetas ou autocaravanas. Puntos con maior dificultade para estacionar: casas indianas de Arturo e  Camarnachón en Vilar, Casa indiana Casa Grande na Áspera e Casa de Barreira en Remior.

CONSELLOS E POSIBLES RISCOS:

Roupa e calzado cómodos e adaptados ás condicións meteorolóxicas, auga, teléfono móbil.

Consulte as condicións meteorolóxicas antes de iniciar o percorrido.

O visitante debe ter en conta o seu estado físico e o seu equipamento.

O medio non está exento de riscos entre os que se inclúen: tramos por estradas de tráfico potencialmente intenso, zonas  inundables, caída a distinto nivel, caída ao mesmo nivel, zonas esvaradías, esvaramentos de terreos, caída de ramas e/ou pedras, outros perigos indeterminados.

IMPORTANTE:

A entidade promotora non se fai responsable do uso que se lle dea a este roteiro. Unha vez inicie o seu seguimento, o usuario debe ser consciente de estar en boas condicións físicas e psíquicas para o desenvolvemento desta actividade.

Teléfono de emerxencias: 112

COMO SEGUIR O ROTEIRO EN GOOGLE  MAPS:

Active a función “Localización” do seu móbil ou dispositivo nos axustes do mesmo. A continuación, poderá ver a súa localización no mapa a medida que se vai desprazando.

Os puntos marcados en laranxa correspóndense con cada un dos recursos que imos visitar neste percorrido. Neles atopará unha ficha coa ligazón a cada unha das explicacións  audio guiadas así como o texto descritivo do recurso e unha imaxe para a súa correcta identificación.

Se o prefire, pode activar a función  GPS do Google  Maps para que este lle indíque como chegar ao recurso.

Os puntos sinalizados en verde e en vermello no mapa indican o inicio e o final do roteiro respectivamente.

Creado por: Barreiros Turismo. Concello de Barreiros.

Notas: 
Na versión audioguiada inclúe as seguintes pistas musicais: 

1. Music by Songo 21_Title: de Cuba. http://www.songo21.com. Modifications: reduced length. Free to share and adapt. CC licenses. https://freemusicarchive.org/music/SONGO_21/SONGO_21_-_Studio_sessions_2...

 2. Música de "O Arco da Vella"_Muiñeira de O Areal dos Areeiras de Catoira. https://www.youtube.com/watch?v=qP4xo0gi9Hc