A Consellería de Política Social, con fondos financiados polo Fondo Europeo de Desenvolvemento Rexional, no marco operativo Feder Galicia 2014-2020, concedeunos unha subvención de 25.584,66 € para a mellora da instalación eléctrica da Escola Infantil e a compra de xogos e material educativo.

Compartimos para coñecemento xeral un informe de secretaría-intervención no que se explica a situación económica municipal. O documento é de sumo interese, pois determina as posibilidades orzamentarias e económicas dos seguintes anos, especialmente do orzamento do ano 2020, sobre o que é tempo de comezar a traballar.

Desde o goberno municipal temos o convencemento de que é preciso afrontar a realidade de xeito serio e rigoroso, rompendo a dinámica económica que se viña mantendo en Barreiros e que coloca a este Concello nunha situación límite.