Este venres, 1 de agosto, tivo lugar no campo de fútbol do Cascabeiro a xornada de clausura da quinta edición do Campus de fútbol do Celta de Vigo en Barreiros. A actividade, que se desenvolveu ao longo desta semana nos campos de fútbol do Iberia e do Celta Barreiros, pecha cun éxito rotundo, cubrindo de novo as 60 prazas ofertadas consolidándose así como unha cita de referencia na comarca.