O Concello de Barreiros está a organizar unha nova recollida de plásticos agrícolas nas explotacións, para tratar de facilitar a súa xestión ás mesmas, supoñendo un novo servizo que complementará a posibilidade de depositalos no punto limpo municipal coma ata o de agora.

A efectos de organizar a recollida deste primeiro semestre, é preciso anotarse previamente para poder planificar o servizo do xeito máis eficiente posible pola empresa especializada que o presta, cuxo custe asume o concello, sendo polo tanto gratuíto para as explotacións.

A estes efectos, trasládase a seguinte información:

PRIMEIRO.- Prevese a realización da recollida de plásticos agrícolas nas explotacións para inicios do mes de xuño, en función da meteoroloxía.

SEGUNDO.- É necesario que as explotacións interesadas neste servizo se anoten antes do 30 de maio chamando ao 982.12.40.02, aportando os seguintes datos:

-Nome e documento de identidade da persoa responsable

-Número de teléfono

-Lugar de recollida

-Cantidade aproximada de plásticos

TERCEIRO.- Para a recollida dos plásticos estes deben atoparse nun estado razoable de limpeza, non podendo acumular grandes cantidades de terra ou restos orgánicos. Deben estar debidamente acumulados en sacas ou gavelas amarradas que faciliten o manexo e eviten que se cisquen.

CUARTO.- Con carácter previo á recollida, o persoal municipal encargarase de comprobar o correcto depósito dos mesmos, así como o lugar correcto de recollida.

QUINTO.- Para a recollida na explotación márcase un mínimo de acumulación duns 3m³.