Os Concellos de Barreiros e Ribadeo organizan conxuntamente un novo obradoiro de emprego dual denominado “Constrúe en Verde”, unha oportunidade de formación e traballo dirixida a 20 persoas maiores de 18 anos.

Durante nove meses, as persoas participantes desenvolverán competencias en dúas especialidades:

1. Operacións auxiliares de revestimentos continuos en construción
2. Limpeza en espazos abertos e industriais, mobiliario, locais e xestión de residuos urbanos e industriais

As persoas interesadas en formar parte do alumnado deste obradoiro deberán inscribirse na oficina pública de emprego de Ribadeo antes do 20 de novembro.

Para o desenvolvemento destes obradoiros tamén se procederá á contratación de persoal docente e administrativo.

DOCUMENTOS

 Bases obradoiro de emprego "Constrúe en Verde"