Teléfono: 982124002
E-mail: info@concellodebarreiros.gal
Achégase o Día das Bibliotecas e queremos celebralo cunha actividade para a rapazada.
O día 23 de outubro, ás 16:30 horas, faremos un escape room na Biblioteca Municipal de Barreiros, onde se agochan unha serie de misterios que deberedes resolver.
Por equipos, utilizando a cooperación, o enxeño e a comunicación activa, teredes que superar unha serie de probas e descifrar enigmas para conseguir o obxectivo común.
Quen será capaz de resolvelo…?
Trátase dunha actividade moi divertida, que vos permitirá resolver problemas a través do traballo en equipo. De aquí levaredes unha aprendizaxe moi importante para o voso futuro, poñendo en valor a importancia da biblioteca e da lectura.
Esta actividade está enmarcada no programa “Ler conta moito”, un programa de dinamización da lectura nas bibliotecas públicas promovido pola Xunta de Galicia en colaboración coas entidades locais.
